Vendet evropiane u bëjnë thirrje shtetasve të tyre, që të kenë kujdes para zhvillimit të referendumit mbi pavarësinë e Katalonjas në Spanjë.
Ministria gjermane e Punëve të Jashtme ka modifikuar në faqen e saj të internetit rekomandimet e saj për udhëtarët dhe këshillon se gjermanët që gjenden në Katalonja të ndjekim median lokale, të evitojnë vendet ku ka grumbullime dhe të ndjekin me përpikmëri rekomandimet e forcave të rendit.
“Një përshkallëzim nuk mund të përjashtohet”, thekson Ministria.
Po të njëjtin paralajmërim bën edhe Londra dhe Amsterdami, duke këshilluar shtetasit e tyre: “evitoni manifestimet. Jini të vëmendshëm”.
Një ditë më parë edhe Ministria franceze e Punëve të Jashtme kishte rekomanduar shtetasit e saj që “të qëndrojnë larg lëvizjeve të turmave”. /tesheshi.com/
