Historisë së një dashurie të madhe po i vjen fundi. Iker Casilas është pranë ndarjes me Real Madridin pas më shumë se 25 vitesh, nga koha e grupmoshave zingjir të klubit mbretëror. Kapiteni legjendar është gati ti ndajë rrugët me klubin të cilin e konsideronte pjesë të jetës së tij. Destinacioni i tij i rradhës supozohet të jetë Portugalia, me ç’rast do bashkohet tek Porto me ish trajnerin e tij Lopetegui.
Ardhja e mundshme e De Geas në Madrid, i vë në pikëpyetje të madhe qëndrimin e Iker Casilasit në organikën e Rafael Benitezit. Në fakt, largimi i tij është përfolur që në merkaton e vitit 2012, kohën kur Jose Mourinho kishte vënë në pikëpyetje cilësitë e gardianit spanjoll. Konfuzioni vazhdon edhe kur trajneri i rradhës i Madridi, Carlo Ancelotti vendos të vë Diego Lopezin në portë para tij, për të vazhduar me blerjen e Kaylor Navas si portier të ri të Realit Madridit.
Tani më pranë se kurrë Iker ndodhet larg Madridit. Me një këmbë qëndron jashtë saj. Shumë njerëz nuk mund ta imagjojnë Real Madridin pa Iker Casillasin dhe anasjelltas. Mirëpo, duhet të pajtohen me këtë fakt dhe të fillojnë të mendojnë tashmë si një mit, epokën Casillas në Real Madrid. /tesheshi.com/
