Në kulmin e një psikoze ikjeje që ka kapluar rajonin, edhe Shqipërinë gjithashtu, kryeministri Rama ka kujtuar se Europa ku po rendin nuk është ajo që po ëndërrojnë apo mendojnë.
Sipas tij, po vjen një kohë që ta gjesh Europën pikërisht në Shqipëri, tashmë që kontinenti s’i ka hiç punët mirë.
Duke i mëshuar rëndësisë së fshatit dhe investimit aty, nga Klosi ai tha se “kjo është e ardhmja”.
“Unë e di shumë mirë që të rinjtë të kenë ambicie për aventura, por ju them Europa bëhet gjithmonë e më e vështirë”, tha Rama, duke shtuar se “kush ka një shtëpi gjyshi, sado të rrënuar, mund të hapë një biznes dhe të fitojë dyfishin e asaj që fiton aty me mbështetjen e qeverisë dhe AZHBR-së dhe të ecësh përpara”. /tesheshi.com/
