Risi e seancës parlamentare të së enjtes, ka qenë reagimi i kryeministrit Rama për atë që ai e quajti shkelje të rregullores. Rama iu drejtua Vangjel Dules në pozitën e drejtuesit të seancës që të zbatohej rregullorja, duke mos u dhënë fjalën atyre që nuk u takon – përndryshe, paralajmëroi shefi i qeverisë – do braktiste seancën.
“Zoti kryetar, kjo nuk është shtëpi e oficerëve.
Ju lutem ndiqni rregulloren.
Nuk mund të vazhdojmë çdo të enjte me këtë histori.
Mendimet, komentet dhe muhabetet e shtëpisë së oficerëve, le t’i bëjnë në shtëpinë e oficerëve.
Kjo nuk është shtëpi e oficerëve”, tha Rama.
Ditë më parë, ai shfaqi mosdakortësi me tolerimin që kreu i Kuvendit Ilir Meta i kishte bërë deputetit Berisha duke iu dhënë fjalën në ccdo seancë, në shkelje të rregullores. Sipas Ramës, kjo nuk duhet të ndodhë më. Dhe sinjali i parë u dha sot, me reagimin që bëri shefi i qeverisë deri në kërcënim me braktisje të sallës, nga ai vetë dhe grupi parlamentar. /tesheshi.com/
