Në kohën që kryeministri Rama thellonte dhe më raportet me Turqinë, duke nënshkruar marrëveshjet e radhës me Ankaranë, e gjitha në sfondin e një miqësie të thellë me presidentin Erdogan, në Athinë pati një “gjëmim”.
Ishte ai i ministrit të Jashtëm Nikos Dendias, gjithashtu mik i shefit të qeverisë shqiptare, por jo pa kufij, sidomos kur është fjala për nacionalizëm.
“Sigurisht, ne nuk do të bëjmë asnjë lëshim për palën shqiptare. Ajo duhet të plotësojë plotësisht kushtet për pjesëmarrje në ndërtesën evropiane, përfshirë mbrojtjen absolute të të drejtave të pakicës greke. Mos i shihni marrëdhëniet greko-shqiptare në kontekstin e ‘shqiptarët janë miq me turqit, kështu që ata nuk janë automatikisht miq të Greqisë. Eshtë shumë më e komplikuar. Dhe nëse më lejoni, Shqipëria historikisht – dhe nëse e shikoni nga një perspektivë – ka bërë zgjedhjen e saj”, tha Dendias.
Komentet e tiju bënë në Konferencën e 2-të Ndërkombëtare mbi Trashëgiminë Kulturore të ndërmarrë nga Instituti i Punëve të Jashtme, në bashkëpunim me Universitetin Kombëtar Kapodistrian të Athinës. Dendias foli për marrëdhëniet e jashtme të Greqisë me Turqinë, Shqipërinë dhe Libinë gjatë pjesëmarrjes së tij në konferencë. /tesheshi.com/
