Njerëzit në qytetin Basque në Galdakao të Spanjës kanë vendosur gjithçka që u ka ngelur nga ushqimet e përditshme në frigoriferët e tyre, jo vetëm brenda në shtëpi por edhe në rrugë. Ky është qyteti i parë në të cilin 30 mijë banorët e tij kanë vendosur frigoriferë edhe në rrugë, për të ushqyer dhe ndihmuar njerëzit e pastrehë e që nuk kanë mundësi të ushqehen.
Alvaro Saiz është ideatori i “Solidarity Fridge”, të cilit i erdhi kjo ide ndërsa shikonte përherë njerëz të uritur që kërkonin diçka për të ngrënë në kazanët r mbeturinave. Ai mendoi se mund të ketë një mënyrë që njerëzit dhe pronarët e restorante të mund t’u vijnë në ndihmë këtyre personave, duke mos e hedhur në mbeturina ushqimin e tepërt.
Ai vijoi më tej planin që kishte duke vendosur një frigorifer në rrugë, aty ku njerëzit mund të vendosnin ushqimin e tepërt dhe të uriturit të mund të hani diçka si njerëz.
“Kur dëgjova për këtë ide mendova se ishte diçka e çmendur dhe njëkohësisht tejet brilante”, tha Mayor Ibon Uribe për NPR. Ai shtoi: “Si mund të thoja jo për një gjë të tillë?”
Ishte një ide që kërkonte disa para por më në fund arritëm të realizonim diçka shumë të mirë vetëm me 5.500 dollarë dhe projekti ishte gati për të ndihmuar shumë njerëz. Ata kanë bërë me dije se nuk lejohet që brenda në frigorifer të vendoset mish i pagatuar apo vezë, por sipas kujdestarëve të Solidarity Fridge, asgjë nuk zgjat më shumë se disa orë.
Kontributorët më të mëdhenj janë restorantet, të cilat vendosin ushqime dhe vakte të gatuara mirë, për këta njerëz./tesheshi.com/
