Ministria për Komunitete e Kthim, e cila udhëhiqet nga zv.kryeministri nga radhët e serbëve, Dalibor Jevtiq, njofton se qeveria e Kosovës e ka miratuar Rregulloren për kthimin e serbëve të shpërngulur.
Kjo ministri, këtë hap e quan të rëndësishëm siç thotë, për zgjidhjen afatgjate e të qëndrueshme të procesit të kthimit të të shpërngulurve në Kosovë dhe hyrje për miratimin e ligjit për të shpërngulurit .
Rregullorja është miratuar me propozim të ministrit për Komunitete e Kthim, Dalibor Jevtiq. Ai në mbledhjen e qeverisë ka thënë se Rregullorja është rezultat i punës së përbashkët i iniciativës rajonale “Procesi i Shkupit”, i institucioneve ndërkombëtare dhe i ministrisë që udhëhiqet nga ai dhe ka shtuar se jo duhet t’i kontribuojë ndryshimeve pozitive në procesin e kthimit.
“Kjo qeveri e Kosovës duhet të tregojë gatishmëri dhe forcë që përfundimisht të arrihet qëllimi dhe interesi ynë – sundimi i ligjit, respektimi i të drejtave të njeriut e të vlerave dhe dallimeve dhe që përgjithmonë e përfundimisht të zgjidhet çështja e të shpërngulurve”, ka thënë Jevtiq. /tesheshi.com/
