Me sa duket, dashuria nuk njeh moshë, racë apo specie. Një burrë kanadez i ka shkruar një letër fqinjit të tij të shtëpisë duke i komunikuar dashurinë që qeni i tij ka ndaj..
“I dashur fqinj, mund të të duket qesharake por mendoj se duhet ta dish që qeni im (i cili jeton në portën ngjitur), ka rënë në dashuri çmendurisht me macen tuaj, rreth gjashtë muajshe”. Kështu nis letra e shkruar dhe e ngjitur në dritaren e pronarit të shtëpisë ku jeton macja.
“Të paktën tre herë në ditë ai vendos putrat e tij në dritare për të parë përmes hapësirave. Keni vënë vazo me lule që pengojnë pamjen, por ai vijon të kërkojë macen tuaj në çdo moment. Ndoshta mund t’i spostonit bimët në një dritare tjetër?”,- pyet pronari i qenit në letër.
Fotografia e letrës është publikuar në Facebook nga Toronto Pet Daily, një e përditshme kanadeze për kafshët dhe tashmë postimi është bërë viral. “Fansat” shpresojnë që kafshët të vijojnë takimet mes tyre. /tesheshi.com/
