Kreu i diplomacisë hungareze, Peter Szijjarto tha se është e papranueshme që Komisioni Evropian nuk dëshiron një valë të re të zgjerimit në Ballkanin Perëndimor deri në 2025.
Szijjarto kritikoi politikën e Komisionit Evropian në lidhje me anëtarësimin e vendeve të Ballkanit Perëndimor në Bashkimin Evropian.
Ai vuri në dukje se anëtarësimi i vendeve të rajonit në BE do të ishte në interes të Evropës në aspektin e ekonomisë dhe sigurisë.
Ai theksoi nevojën për të mbajtur parasysh faktin se ka tensione serioze në Ballkanin Perëndimor, duke shtuar se vendet e këtij rajoni mund të integrohen në BE duke kontrolluar situatën.
“Nuk ka nevojë të presësh 6 vjet. Sipas mendimit tonë, Serbia dhe Mali i Zi mund të jenë anëtarë të BE-së shumë më të shpejtë. Do të ishte në interes të Hungarisë dhe të gjithë BE-së në aspektin e ekonomisë, por kryesisht në aspektin e sigurisë”, tha Szijjarto.
Përfaqësuesja e Lartë i BE-së për politikë të Jashtme dhe Siguri, Federica Mogherini, si dhe Komisioneri për Zgjerim dhe Fqinjësi, Johanes Han në shkurt të vitit 2018 në Parlamentin Evropian në Strasburg prezantuan “Strategjinë e zgjerimit të BE-së në Ballkanin Perëndimor”.
Dokumenti mbulon Malin e Zi, Serbinë, Maqedoninë, Shqipërinë, Bosnjën dhe Kosovën.
Ai parashikon gjithashtu një afat kohor për zgjerimin e ardhshëm, sipas të cilit Mali i Zi dhe Serbia, me kusht që të zbatojnë reformat e nevojshme, mund të bëhen anëtarë të rinj të Unionit në vitin 2025.
Kjo gjë ka sjellë një “turivarje” të lehtë në politikën shqiptare, pasi Tirana zyrtare e quan të padrejtë anëtarësimin e Serbisë para Shqipërisë.
Ndërkohë, Hungaria e që ngre këtë prentendin në formë kritike ndaj Brukselit, është shndërruar kohët e fundit në një “dele të zezë” të BE-së. Kjo për shkak të politikave të kryeministrit Orban, i cili, i vetëshpallur si “mbrojtës i Europës” nga invazioni musliman, mban qëndrime mjaft të ashpra, deri dhe diskriminuese, ndaj emigrantëve. /tesheshi.com/
