Presidenti rus Vladimir Putin paralajmëroi të premten se Perëndimi nuk duhet të lejohet të zhvillojë një monopol mbi inteligjencën artificiale (AI), duke njoftuar se së shpejti do të shpallet një strategji më ambicioze ruse në këtë fushë.
Shtetet e Bashkuara dhe Kina po udhëheqin rrugën në zhvillimin e AI, një teknologji që shumë shkencëtarë dhe liderë botërorë parashikojnë se do të transformojë botën dhe do të revolucionarizojë shoqërinë siç bënë kompjuterët në fund të shekullit të 20-të.
Moska gjithashtu ka ambicie për t’u bërë një superfuqi e AI, por përpjekjet e saj aktualisht janë vonuar nga lufta në Ukrainë, e cila ka detyruar shumë shkencëtarë të talentuar të largohen nga Rusia dhe ka nxitur sanksione perëndimore që kanë ndaluar importin e produkteve të teknologjisë së lartë, shkruan Reuters.
Duke folur në Moskë në një konferencë mbi inteligjencën artificiale, së bashku me CEO të Sberbank, German Gref, Putin tha se ishte e pamundur të ndalohej AI dhe paralajmëroi se do të ishte e rrezikshme dhe e papranueshme të lejoheshin platformat perëndimore të zhvillojnë një monopol mbi teknologjitë e AI.
⚡️'AI Will Advance Russian Business in New Regions, Especially Asia'
President Vladimir Putin has been speaking at the AI Journey conference in Moscow. He announced Russia will soon approve a new strategy on the development of AI.
He added that artificial intelligence won't… pic.twitter.com/Nl9znabVCA
— RT_India (@RT_India_news) November 24, 2023
“Si hap i parë, një dekret presidencial do të nënshkruhet në të ardhmen shumë të afërt dhe do të miratohet një version i ri i strategjisë kombëtare për zhvillimin e inteligjencës artificiale”, tha Putin në konferencë.
Kjo strategji do të sjellë ndryshime të rëndësishme, duke përfshirë “zgjerimin e kërkimit themelor dhe të aplikuar në fushën e inteligjencës artificiale gjeneruese dhe modeleve gjuhësore në shkallë të gjerë”, tha presidenti rus.
Rusia duhet të bëjë ndryshime legjislative dhe investimesh për të inkurajuar zhvillimin e inteligjencës artificiale, përfundoi ai. /tesheshi.com/
