Jo dialogu, jo marrëveshja, por taksa doganore ndaj Serbisë, ka qenë kryefajala e qëndrimeve të presidentit Putin gjatë një konference për shtyp në Beograd me homologun Vuçiç.
“Autoritetet e Kosovës kanë marrë disa lëvizje provokative. Rusia ndan plotësisht shqetësimet e Serbisë. Liderët e Kosovës lëviz mund të çojnë në tensione në Ballkan”, tha udhëheqësi rus.
Vuçiç tha në konferencë se ai dhe mysafiri nga Rusia kishin biseduar gjatë “për të gjitha çështjet”.
Fokusi i dy presidentëve, pos çështjeve bilaterale ka qenë dhe situata aktuale në rajon, në veçanti çështja e Kosovës, pavarësinë e së cilës Rusia nuk e njeh, dhe që të sigurojë mbështetje për Serbinë në OKB, organizatat dhe institucionet ndërkombëtare.
“Pa Rusinë nuk do të ketë zgjidhje për çështjen e Kosovës”, tha nga ana tjetër Vuçiç.
“Kam frikë se disa njerëz nuk janë të gatshëm për kompromise. Ne do të vazhdojmë që të kërkojmë diçka të tillë, por po e përsëris dhe këtë ia kam thënë edhe Putinit, ne nuk do të lejojmë që të poshtërohet Serbia”, ka shtuar presidenti serb. /tesheshi.com/
