Skuadra e PSG ka përparësinë e fushës në përballjen me Bajernin dhe presin tri pikë.
Bavarezët gjithmonë kanë pasur telashe në fushë të PSG-së, por kësaj radhe synojnë të kthehen të pamposhtur.
Ndeshja që zgjon në këmbë jo vetëm tifozët në Francë e në Gjermani, është sfida kryesore e mbrëmjes së të mërkurës në Ligën e Kampioneve.
Trajneri i PSG, Unai Emery, është optimist para kësaj sfide, njëherësh flet edhe për penalltinë se cili nga futbollistë mund të gjuajë.
“Kemi shumë futbollistë të gatshëm të ekzekutojnë penalltitë dhe që kanë dëshirë t’i gjuajnë ato. Do të përpiqemi të fitojmë sa më shumë penallti në mënyrë që të dy futbollistët të mund të kenë mundësinë që të ekzekutojnë. Kam komunikuar me ata për të sqaruar se si duhet të shkojnë gjërat në fushë, gjithashtu edhe në lidhje me penalltitë”, tha Emery. /tesheshi.com/
