Sot në orët e hershme të mëngjesit, udhëtarët e linjës Stamboll – Prishtinë janë zbritur nga autobusi në pikën kufitare të “Kriva Pallankës” mes Bullgarisë e Maqedonisë dhe janë mbajtur jashtë në ambient të hapur e temperatura të ulëta për rreth dy orë. Bagazhet e udhëtarëve janë kontrolluar nga edhe me qen nga njësiti kufitar maqedonas, pjesë e të cilit ishin edhe disa pjesëtarë shqiptarë, e që udhëtarët janë ankuar pikërisht në sjelljen e këtyre të fundit.
Malli për tregti nuk është lejuar të kalohet në këtë pikë kufitare, ndërsa që disa prej udhëtarëve (që njëkohësisht ishin studentë), doganierët maqedonas ua kanë ndalur edhe dhuratat simbolike që ata i kishin blerë në Stamboll për familjarët e tyre.
Kryerja e këtyre procedurave të stërzgjatura nga doganierët maqedonas në ambient të hapur e mot të ftohtë (0 °) u cilësuan si tejet të mundimshme nga udhëtarët, nga të cilët pati edhe gra e të moshuar. /tesheshi.com/
