Qytetarët e Istogut sërish do të dalin në votime pasi Paneli Zgjedhor për Ankesa dhe Parashtresa ka pranuar ankesën e LDK-së dhe ka anuluar rezultatin e balotazhit të 19 nëntorit për kryetar të kësaj komune.
Vendimin është konfirmuar nga Mulë Desku, kryeshef i PZAP-it.
“PZAP-i ka pranuar si te bazuar ankesën e subjektit politik Lidhja Demokratike e Kosovës (LDK), dhe ka vendosur qe te anulohen rezultatet e Zgjedhjeve Lokale të 22 tetorit 2017, për Rundin e dytë, të mbajtura me datë 19.11.2017, për kryetar Komune në Istog dhe urdhëron Komisionin Qendror i Zgjedhjeve ta përsërisë votimin e Rundit te dytë të Zgjedhjeve Lokale, për Kryetar të Komunës së Istogut”, ka thënë Desku për “Express”.
Sipas rezultateve preliminare të KQZ-së, në Istog kryetar ishte rizgjedhur Haki Rugova i LDK-së, por me numërimin e votave me kusht dhe atyre më postë rezultati u përmbys në favor të kandidatit të AAK-së, Gani Dreshaj.
LDK ishte ankuar për këtë rezultat, duke pretenduar se votat me postë janë manipuluar nga kandidati Dreshaj. /tesheshi.com/
