Në Shkodër ndodh e paimagjinueshmja deri dje politikisht. Njeriu i qeverisë aty, prefekti i sapoemëruar Besfort Lamallari, është shfaqur krah kryetares së Bashkisë, e mbetur në detyrë aksidentalisht nga pikëpamja politike, Voltana Ademi. Kjo e fundit njihet si një ndër skifteret e PD-së.
Që të të dy, dolën me qëndrime të përbashkëta në lidhje me Shkodrën, vatrën e nxehtë të koronavorusit në vend, e cila është shndërruar në “dele të zezë” në hartën e infeksionit, duke u bërë pengesë për një hapje të dëshirueshme sa më shpejt në vend. Kjo, si pasojë e një “rebelimi” në mosrepektimin e masave të karantinës.
Bashkë me kryetaren e bashkisë dhe anëtarët diskutuam mbi disa cështje me shumë rëndësi. Arritëm në një vendim të përbashkët ku pranuam edhe propozimin e kryetares për tregjet”, tha prefekti Lamallari.
“Pavarësisht masave ndaj këtyre personave që shkelin karantinën, madje kjo është shumë e rëndë, pasi një person që është pozitiv dhe del në rrugë, kjo është tentativë për vrasje për personat e tjerë. Do të ketë përshkallëzim të masave për ata që sillen në këtë mënyrë. Ka shumë masa që do të merren në vijim.
Sa i përket protokollove në raport me të infektuarit dhe nevojat për të shkuar në spital apo karantinuar në shtëpi, fjala u takon ekspertëve. Nëse pas masave sot do të ketë përmirësim edhe masat do të jetë proporcionale. Masat të domosdoshme“, shtoi prefekti i ri, i cili është njëherësh dhe zv/ministër i Brendshëm.
Përveç asaj që tha zv. ministri është kërkuar nga të gjitha bizneset që të shtojnë masat e sigurisë për personelin, por edhe drejtimin e sinjalistikës për vendet ku shërbehet. Është kërkuar masa shtesë nga të gjithë qytetarët. Kufizimi edhe në familje kundrejt anëtarëve të tjerë të familjes. Për të gjithë banorët, për kërkesën e vazhdueshme, kufizimi edhe në familje për masa të tjera shtesë përkundrejt anëtarëve të tjerë, sidomos për prindërit dhe fëmijët. Edhe në familje të shkojmë përtej me masa të tjera kufizuese“, tha kryetarja Ademi. /tesheshi.com/
