Kamioni i “vdekjes” që u gjet një ditë më parë në një autostradë të Austrisë pranë kufirit me Hungarinë kishte mbi 70 trupa të pajetë emigrantësh Fillimisht u mendua për 50 të vdekur, por tashmë, autoritetet austriake kanë kryer të gjitha ekzaminimet dhe deklaruan se bëhet fjalë për 71 trupa, mes të cilëve dhe katër fëmijë.
Trupat në proces dekompozimi u zbuluan ndërsa policia verifikoi kamionin. Tashmë, përpjekjet e autoriteteve po përqëndrohen në gjetjen e shoferit të kamionit dhe zbardhjen e plotë të rrethanave të këtij krimi të tmerrshëm.
Kamioni mban logon e një kompanie sllovake shpezësh, Hyza, e cila pretendon se prej kohësh nuk e ka më në zotërim mjetin në fjalë, por blerësit e rinj nuk e kanë hequr markën e saj.
Sipas Hans Peter Doskozil, shefi i policisë së provincës Burgenland, ku u gjet kamioni, thotë se ai ishte i tipit frigoriferik, e kjo nuk është zgjedhja tipike e trafikantëve për transportin e refugjatëve.
Kamioni me targë hungareze mësohet të jetë larguar nga Budapesti mëngjesin e së mërkurës. /tesheshi.com/
