Presidenti serb Vuçiç, i cili ashtu siç e gjithë politika e Beogradit e ka pritur keq Platformën e Dialogut me Serbinë hartuar e miratuar nga pala kosovare, e ka “ndarë hallin” me kreun e Kishës Ortodokse të Serbisë, Patriarkut Irinej.
Media serbe informojnë mbi një takim të Vuçiçit me Irinejin, duke cituar presidentin:
“I jam mirënjohës patriarkut dhe anëtarëve të Sinodit të Kishës Ortodokse Serbe, i cilët kishin vullnet të më dëgjojnë. Ne i sollëm patriarkut dhe të tjerëve tekstin e Platformës të cilën shqiptarët e Kosovës e kanë miratuar për qëllime të ndërprerjes së dialogut me Beogradin dhe i kanë informuar me të gjitha veprimet që i kanë bërë: nga mos zbatimin i marrëveshjes së Brukselit, pastaj taksa, deri te Platforma, e cila në fakt është tregues se sa disa njerëz duan të shkaktojnë krizë dhe probleme, e jo zgjidhjen e problemit”, ka thënë Vuçiç.
Nga ana tjetër, Irinej e ka konsideruar situatën në Kosovë “si çdo ditë e më të përkeqësuar”. Sipas tij, “është e rëndësishme që shteti dhe Kisha së bashku të kërkojnë zgjidhjen dhe qëndrimin më të mirë”. /tesheshi.com/
