Zvarriten sërish negociatat mes Athinës dhe kreditorëve të saj në lidhje me kushtet e lëvrimit të kredisë për Greqinë, e cila thesarin e ka pothuajse bosh. Kjo gjë nisi pasi të martën dolën në shesh dallimet mes Athinës dhe kreditorëve të saj, mbi mënyrat sesi të trajtohet kjo pjesë.
Qeveria greke tha se “dallimet serioze dhe kontradiktat ndërmjet kreditorëve, Bashkimit Evropian dhe Fondit Monetar Ndërkombëtar, minojnë negociatat” me Greqinë.
Ajo shtoi se për shkak të “pamundësisë së mirëkuptimit mes institucioneve nuk mund të çojë në një marrëveshje”.
Mosmarrëveshja midis Bashkimit Evropian dhe FMN-së nis pasi BE-ja nuk e sheh të përshtatshme këmbënguljen e Fondit Monetar Ndërkombëtar që ve si kusht primar ndaj Greqisë reformimin e sistemit të pensioneve, pasi Brukseli konsideron prioritet parësor reformimin e sistemit të taksave, sipas një burimi të afërt me negociatat.
Burimi ka thënë se “Fondi Monetar Ndërkombëtar e vë reformën e sistemit të pensioneve në një pozitë shumë të lartë në hierarkinë e prioriteteve”, ndërsa evropianët preferojnë reformën e sistemit të taksave në plan të parë.
Nga ana e tij, Ministri gjerman i financave Volfgang Shable ka mohuar që FMN-ja të ketë kërkuar që të heqë pjesën e re të kredisë për Greqinë. Ai shpjegoi se “Fondi Monetar Ndërkombëtar nuk ka bërë një deklaratë të tillë.”
Gazeta njofton se FMN-ja bëri thirrje që të fshihet një pjesë e borxhit grek e cila është rritur më shumë se 175% e GDP-së së vendit, propozim ky që është refuzuar fuqimisht nga evropianët, e udhëhequr nga Gjermania.
Raportet thanë se Fondi Monetar Ndërkombëtarë shkoi deri aty sa kërcënoi se ai nuk do ta pagujë pjesën e vet të ndihmës së rënë dakord për Greqinë.
Por Ministri grek i Financave Janis Varofakis -i cili filloi një turne në evropë duke përfshirë Parisin, Brukselin, Romën dhe Madridin- vazhdon të shpresojë për një marrëveshje. Ai tha se gjatë takimit të ardhshëm të ministrave të financave të eurozonës të planifikuar për të hënën e ardhshme, “do të zhvillojmë me pa dyshim diskutime të frytshme që do të theksojnë arritjet e mëdha dhe do të hedhin një hap më tej në rrugën drejt arritjes së një marrëveshjeje përfundimtare.”
