Pezullohen punimet për ndërtimin e kishës në Llapushnik, deri pas Fitër Bajramit

Sot përfaqësuesit e fshatit Llapushnik, protestuan para Komunës së Drenasit, të cilët patën edhe një takim të stërzgjatur me kryetarin Nexhat Demaku dhe ekzekutivin në përgjithësi, gjatë këtij takimi është arritur një marrëveshje që të pezullohen punimet për një muaj, së paku deri pas ditës së Fitër Bajramit. Pas takimit ka folur Ramadan Gashi, përfaqësues i fshatit, i cili tha se për banorët e fshatit në këtë muaj të Ramazanit ka qenë një provokim shumë i rënd dhe nuk do të lejojmë që në atë pjesë të ndërtohen as varreza dhe as kisha. Ndërsa këshilltari komunal nga radhët e PDK-së Bujar Thaqi për portalin tesheshi deklaroi se duhet të ulemi dhe të diskutojmë deri në gjetjen e një modaliteti për të mirën e banorëve të fshatit Llapushnik, duke i ikur çdo problemi të mundshme./tesheshi.com/