Nuk është i panjohur fakti se të jetosh me stres dhe me ankth nuk është aspak e këndshme. Por, pavarësisht përpjekjeve tuaja për t’u ballafaquar me këto emocione, ato mund të gjejnë mënyrën si të kthehen prapa në jetën, madje edhe ëndrrat tuaja. Ju mund të mos dini si të procesoni shqetësimet tuaja, por trupi juaj di ta bëjë këtë shumë mirë. Shpesh, kur ju jeni të shqetësuar në lidhje me diçka, ky shqetësim do të ju shfaqet në ëndërr.
A keni pasur ndonjëherë ndonjë ëndërr që është përsëritur, në lidhje me dhëmbët që po ju bien nga goja? Ose duke ju ndjekur ndonjë kafshë? Ose duke rënë nga ndonjë lartësi? Ose duke u vonuar për diku? Këto ëndrra mund të ju duken të çuditshme, por ato në fakt zbulojnë se çfarë po ju shqetëson juve brenda ndërdijes tuaj.
“Ëndrrat e përsëritura dhe të këqija ndodhin për shkak se ndërdija juaj po përpiqet të tërheqë vëmendjen tuaj,” thotë Layne Dalfen, themelues i Qendrës për interpretim të ëndrrave në Montreal. “Ju mund të mos e kuptoni se çfarë ju shqetëson juve.”
Truri juaj i përpunon emocionet dhe ngjarjet jetësore kur të jeni në gjumë, për t’ju ndihmuar ju që të menaxhoni më mirë me gjërat që ndodhin në jetën tuaj të zgjuar.
“Truri juaj punon më ndryshe, kur ju shihni ëndërr,” thotë analisti profesional për ëndrra Lauri Loewenberg. “Ju nuk mendoni me fjalë, por me simbole dhe metafora. Kjo është gjëja më interesante në lidhje me mënyrën si funksionojnë ëndrrat: Ato ju mundësojnë të shihni gjendjen tuaj aktuale dhe sjelljen tuaj në një dritë më ndryshe, në mënyrë që ta kuptoni atë më mirë. ”
Dhe duke e kuptuar atë, ju keni më shumë kontroll mbi situatën. Ëndrrat nuk kanë për qëllim t’ju trembin: ato kanë për qëllim që t’ju ndihmojnë.
Interpretimi i ëndrrave është çështje shumë subjektive, por në vijim po ju prezantojmë pesë ëndrrat më të zakonshme të ankthit dhe çfarë duan të thonë ato:
1.Rënia e dhëmbëve nga goja – kur jeni në prag të ndryshimit apo tranzicionit.
- Ju ndjek dikush nga prapa – kjo ëndërr ju tregon se jeni duke ikur nga ndonjë çështje apo person, pra frika personifikohet në personin apo kafshën nga e cili/a ju po ikni.
- Rënia – qoftë nga lartësia, apo në thellësi të ujit, tregon për mungesën e sigurisë suaj, mungesën e mbështetjes në jetë. Nëse jeni duke rënë prapa, kjo do të thotë se ju e keni shpëtuar veten tuaj nga ndonjë gabim, apo nuk jeni të gatshëm të bëni ndonjë hap përpara, andaj duhet të rishqyrtoni hapin tuaj të ardhshëm.
- Vonesa – Kuptimi i ëndrrës është se, ju keni problem të plotësoni kërkesat tuaja apo të dikujt tjetër. Pasi jeni të detyruar të merrni më shumë përgjegjësi, shtohet edhe presioni për t’i realizuar këto përgjegjësi.
Andaj kur shihni ëndërr se jeni vonuar, kjo sinjalizon betejën tuaj për të arritur më shumë, se sa që në realitet ju keni mundësi apo kapacitet.
- Të zhveshurit në vend publik – Kjo shpesh ka simbolikën e një vendi ku ju ndiheni jo rehat, dhe kur nuk keni besim në aftësitë tuaja. Pavarësisht përpjekjeve tuaja që të fshihni ndonjë pikë tuajën të dobët, megjithatë ju ndiheni të ekspozuar ndaj njerëzve përreth jush./tesheshi.com/
