Vetëm duke e parë të lëshon lëng goja. Bëhet fjalë për një kek me pandispanjë dhe çokollatë, e mbuluar nga një krem me lajthi. Keku me Nutella është një ëmbëlsirë shumë e shijshme dhe shumë e thjeshtë për t’u realizuar në raste të veçanta. Më poshtë gjeni recetën e plotë.
Përbërësit:
3 vezë
50 gramë gjalpë
200 gramë miell
100 gram sheqer
50 ml qumësht
1 ekstrakt vanilje
1 lugë gjelle kakao të athët
2 gramë kripë
290 gramë Nutella
Përgatitja:
Përzieni të bardhat e vezëve me 50 gramë sheqer deri sa të bëhen një masë kremoze dhe me shkumë. Më pas shtoni edhe të verdhat duke shtuar edhe pjesën tjetër të sheqerit.
Shtoni 40 gramë Nutella dhe më pas kakaon, esencës e vaniljes, gjalpin dhe përziejini mirë të gjitha bashkë.
Pasi të shikoni se është krijuar një masë kompakte nga përzierja e elementëve të mësipërm, shtoni edhe miellin. Përziejini dhe dalë ngadalë shtoni qumështin.
Hidhni pak miell dhe gjalpë në një tavë me diametër 22 cm, ku më pas do të hidhni të gjithë përzierjen e krijuar më sipër. Futeni në furrë në 180° C për 30 minuta.
Fikni furrën dhe lëreni kekun të ftohet në temperaturën e ambientit. Shkrini Nutellën e mbetur në banjo marinë në mikrovalë dhe më pas spërkasni me të kekun. /tesheshi.com/
