Partia Demokratike ka gjetur një arsye logjike sipas saj, për të kërkuar nëj referendum mbi ligjin e importit të mbetjeve. Pas një mbledhje të grupit parlamentartë kësaj partie, kryetari Lulzim Basha tha se është marrë vendimi të dërgohet në Kuvend një kërkesë për referendum për ligjin e mbetjeve, të cilin e arsyetoi si vijon:
“Vendimi i parë për të dërguar kërkesën në Kuvend nga grupi Parlamentar i PD për një referendum me qëllim ndalimin e plotë të importit të plehrave. Konteksti në të cilin e kërkojmë këtë është konteksti ku vullneti popullor iu mohua me pretekstin se ligji do të anulohej”, tha Basha, sipas së cilit, edhe rikthimi i importit të plehrave fshihet një aferë korruptive që bie erë mafie politike:
“Shkelja e premtimit dhe rikthimi i importit të plehrave është një aferë mafioze korruptive.Është aleancë e Edi Ramës me mafian ndërkombëtare të plehrave për të sjellë helme në Shqipëri, nuk ndryshon aspak nga aleanca e tij me kartelin e drogës që ka mbuluar Shqipërinë me drogë. Drogoi Shqipërinë, tani nuk i mjafton kjo do të helmojë Shqipërinë”, shtoi kreu demokrat. /tesheshi.com/
