Emërimin e Thoma Gëllçit në krye të Televizionit Publik Shqiptar, Partia Demkratike e ka konsideruar po ashtu korruptiv dhe oligarkik sipas saj. Deputeti Luçiano Boçi, publikoi një foto ku shfaqej vëllai i kryeministrit, Olsi Rama dhe i sapoemëruari Gëllçi, me komentin përkatës:
“Edi Rama ka bërë publik udhërrëfyesin se si mund të bëhesh drejtor i përgjithshëm i Radio Televizionit Shqiptar, të këtij institucioni me mijëra të punësuar, me fond 20 milionë euro në vit, dhe me disa tendera dhjetra milionë euro në vazhdim.Kjo foto është mesazhi i Edi Ramës për këdo që aspiron të bëjë karrierë, të drejtojë institucione të rëndësishme në vend. Rregulloje me Olsin dhe e ke të garantuar. Kjo është oligarkia në aksion, korrupsioni ulëritës dhe nepotizmi pa asnjë limit. Thoma Gëllci nuk është aty për shkak të integritetit, apo cilësive të tjera, sepse ato nuk i ka. Eshtë aty për shkak të Olsi Ramës, vëllait të kryeministrit”, tha Boçi. /tesheshi.com/
