Seuli, kryeqyteti i Koresë është qyteti më i lumtur në botë, për shkak se është i pasur, i shëndetshëm, relativisht pa krime dhe kujdeset për qytetarët e saj.
Kjo sipas një raporti të ri nga firma për dizajn dhe konsulencë Arcadis, e cila vlerëson dhe pastaj rendit 100 qytete të mëdha në botë nëpër disa indekse.
Në “nën-indeksin e njerëzve” ai vlerëson:
- Pabarazinë në të ardhura
- Krimin
- Edukimin
- Balancin punë – jetë
- Shëndetin
- Përballueshmërinë
Arcadis gjeti se fokusi i qeverisë koreane në shëndet dhe arsim të shkëlqyeshëm, ndihmoi në ngritjen e Seulit në vendin e parë.
“Programi i qeverisë gjithashtu përfshin politikat e planifikimit urban për të forcuar identitetin e qytetit, konkurrencën globale, drejtimin e zhvillimit dhe inovacionin në mjedisin jetësor për qytetarët”, thotë Arcadis në raport.
“Ka 139 projekte në 13 qarqe që planifikojnë të transformojnë metropolin urban në “një qytet të ëndërrave, të sigurt, të ngrohtë dhe që frymon shlirë”. Zona e ndotur më parë, është shndërruar në një hapësirë rekreative publike në zemër të qytetit.
“Restaurimi jo vetëm që nxiti zhvillimin ekonomik, por gjithashtu siguroi mbrojtje shumë të nevojshme kundër përmbytjeve për zonën në qendër të qytetit, duke rritur qëndrueshmërinë ekonomike, mjedisore dhe sociale të Seulit”.
Në vitin 2013, zyrtarët qeveritarë filluan Planin 2030 të Seulit, i cili synon të promovojë:
- “Një qytet i përqendruar tek njerëzit, pa diskriminim”.
- “Një qytet dinamik global me një treg të fuqishëm të punës”.
- “Një qytet i gjallë kulturor dhe historik”.
- “Një qytet i gjallë dhe i sigurt”.
- “Akomodim i qëndrueshëm dhe transport i lehtë, një qytet i orientuar drejt komunitetit”.
Duke u kujdesur për barazinë e të ardhurave, strehimin dhe infrastrukturën e qytetarëve të saj, administrata e qytetit jo vetëm që e mban popullatën të lumtur, por edhe siguron më shumë jetëgjatësi konkurruese.
Kjo është ajo për çfarë po vuan Londra.
Në të njëjtin raport, ndërkohë që Londra renditet e pesta në listën e qyteteve të pasura dhe ekonomikisht të shëndetshme, ajo radhitet u 37-ta në nën-indeksin e njerëzve të saj. Kjo është për shkak të pabarazisë së rëndë sociale, krimit, mungesës së strehimit dhe çështjeve të tjera kryesore që para datës së referendumit të BE më 23 qershor.
Arcadis paralajmëron se kjo do të kërcënojë aftësinë e Londrës për të mbetur konkurrues në të ardhmen kundrejt qendrave të tjera financiare të mëdha anembanë globit. /tesheshi.com/
