Pas protestave: KiE ndalon Shkupin të ndërtojë hidtrocentral në lumin Radika

Këshilli i Europës ndalon qeverinë e Maqedonisë të ndërtojë një hidroventral në Dibër të Madhe mbi lumin Radika.

Sicc bën të ditur Top Channel, Komiteti i Përhershëm i Konventës së Bernës, pranë Këshillit të Europës në Strasburg, pas inspektimit të projektit në terren, ka urdhëruar qeverinë maqedonase, të ndërpresë menjëherë implementimin e projektit për ndërtimin e hidrocentralit.

Në draft­rekomandimit e hartuar nga ekspertët e Këshillit të Europës, theksohet se “Duke marrë parasysh të gjitha specifikat e Parkut Kombëtar të Mavrovës, i cili është një nga zonat me biodiversitet të larmishëm dhe habitat natyral i një numri të madh species të mbrojtura; duke marrë parasysh faktin se ish­Republika Jugosllave e Maqedonisë është në një proces afrimi me BE­në dhe direktivat e Bashkimit Europian janë shumë të rëndësishme ndikimeve që këto projekte mund të kenë në rrjedhën natyrale të lumenjve; duke marrë parasysh faktin se Parku Kombëtar i Mavrovës dhe territoret përreth janë zona kryesore të riprodhimit të ‘rrëqebullit Ballkanik’, një specie në rrezik zhdukje, ne i rekomandojmë ish­Republikës Jugosllave të Maqedonisë: përdorimin e metodave parandaluese dhe pezullimin e menjëhershëm të zbatimit të projektit për ndërtimin e hidrocentralit në territorin e Parkut Kombëtar të Mavrovës”.

Devijim i Radikës u kthye në një çështje të nxehtë mes Maqedonisë dhe Shqipërisë në fundin e vitit 2013 dhe fillimin e vitit 2014.

/tesheshi.com/