Sot ishte Dita Europiane e Kujtesës në Nderim të Viktimave të Komunizmit, e cila u përkujtua nga krerët e Parlamentit Europian, por askush në Shqipëri, vendi më i vuajtur nga komunizmi, edhe pse ka dy institucione shtetërore si Instituti i ish-të Përndjekurve Politike e as Instituti i Viktimave të Komunizmit, nuk shkruajti asnjë rresht në kujtim të kësaj dite.
Nuk foli askush nga mazhoranca e askush nga opozita, e cila e shpall veten si forca e parë antikomuniste.
Ilir Vata, kreu i Partisë së të Drejtave të Mohuara, një forcë politike që përfaqëson ish-të përndjekurit politikë, në një deklaratë publike e cilësoi këtë “harresë” si një veprim jo të rastësishëm.
Në këtë ditë Kujtesës të Evropës, Preresidenti i Parlamentit Evropian, Martin Schulz nderoi Ditën evropiane të 23 Gushtit në përkujtimit të viktimave të regjimit totalitar duke cituar se “Një ditë, e njohur edhe si Dita e Shiritit të Zi, u bë një “ditë në mbarë Evropën e kujtimit për viktimat e të gjitha regjimeve totalitare dhe autoritare, që të përkujtohet me dinjitet dhe paanshmërinë” në vitin 2009 pas një iniciative të Parlamentit Europian. Kjo ditë shërben si një kujtesë e së kaluarës errët të kontinentit tonë që regjime të tilla të mos kthehen më”.
/tesheshi.com/
