Ministri i Energjisë dhe Infrastrukturës, Damian Gjiknuri, paralajmëroi sot se të akset rrugore do të pastrohen nga njësitë tregtare apo tabelat e reklamave.
Madje, Gjiknuri tha se posejduesit e tabelave apo njësive tregtare do të kenë vetëm 15 ditë afat për të bërë çmontimin vetë, në të kundërt do të ndërhyjë shteti
Sipas tij, operacioni do të zhvillohet në disa faza dhe të kërkohet zbatim rigoroz i përcaktimeve të Kodit Rrugor.
“Në cilësinë e Ministrit të Infrastrukturës dhe Energjisë u bëj thirrje të gjithëve që me veprimet e tyre kanë cënuar disiplinën dhe sigurinë e akseve rrugore: keni vetëm 15 ditë kohë që të bëni në mënyrë vullnetare çmontimin e çdo aktiviteti civil/ekonomik pa leje, heqjen e çdo tabele që nuk ka lidhje me sinjalistikën rrugore por e pengon atë. Në përfundim të këtij afati, strukturat përkatëse do të ndërhyjnë në të gjithë akset kombëtare. Nuk do të ketë asnjë tolerancë.
Në përfundim të të gjitha fazave të operacionit, hyrje-daljet e akseve kombëtare, nyjet dhe hapësirat do të pastrohen plotësisht”, tha Gjiknuri. /tesheshi.com/
