Papa Françesku i ka kërkuar nga Bashkimi Europian që të mos marrë masa ndëshkuese por të përkrahë emigrantët që nga halli e vuajtjet kapërcejnë detërat për të zbarkuar në vendet e zhvilluara.
Siç bën të ditur agjencia italiane ANSA, Papa ka dërguar një mesazh për të gjitha mediat publike europiane që të krijojë një mobilizim të shoqërisë dhe institucioneve.
“Dëshiroj të shpreh mbështetjen time për nismën e ndërmarrë për integrimin e emigrantëve nga Afrika dhe Lindja e Mesme në vendet europiane. Do t’i lutem Zotit që t’i ruajë emigrantët pasi Zoti është i të gjithëve dhe jo vetëm i yni europianëve”, thekson kreu i Kishën Katolike në mesazhin e tij. /tesheshi.com/
