Sigurisht që keni dëgjuar se të dëgjuarit e muzikës klasike mund të ta mphretësojë mendjen me ndihmën e një fenomeni – kinse ndodh – të njohur si efekti “Mozart”. Ju mund të keni dëgjuar se edhe të dëgjuarit e muzikës klasike nga foshnjet, madje edhe të vendosurit e kufjeve mbi barqet e nënave shtatëzënë, mund të sjellë fëmijë më të mençur më vonë. Fatkeqësisht, e gjitha kjo është e bazuar në një studim i të 90-tave – një studim që kurrë s’e ka thënë atë që media mendon se ai (studimi) ka thënë.
Shkenca e mirë, Media jo
Më 1993, një shkrim i publikuar në revistën Nature, gjeti se studentet e kolegjit i përmirësonin rezultatet e testeve kur dëgjonin Mozartin. Kur Media dëgjoi për këtë, filluan të vijnë në përfundimin: të dëgjuarit e Mozartit të bën më të mençur! Tregoji tani botës!
Për fat të keq, kjo nuk ishte ajo që revista ka thënë. Për një gjë, studentët e kolegjit ishin testuar vetëm në inteligjencën hapësinore – intelegjenca që nevojitet për të zgjidhurit e një labirinti – dhe përmirësimet në një pjesë të inteligjencës s’është e thënë të prekë dhe të zgjerohet edhe te pjesët e tjera. Po ashtu, përmirësimet zgjatën vetëm rreth 15 minuta. Kjo, pra, nuk duket të jetë efekt që zgjat.
Efekti Mozart, efekti Schmozart
Dhjetë vite më vonë, një ekip studiuesish mblodhi afërsisht 40 studime që janë bërë mbi të ashtuquajturin efektin “Mozart”. E titulluar “Efekti Mozart-Efekti Schmozart”, analiza shfaqi pak evidenca se muzika klasike përmirëson performancën në detyra specifike dhe asnjë evidence se ajo përmirëson inteligjencën.
Sigurisht, kjo nuk i ndaloi prodhuesit nga marketingu i librave, CD-ve, DVD-ve dhe materialeve tjera nga pretendimi se fëmijët bëhen më të mençur nëpërmjet fuqisë së muzikës klasike. /tesheshi.com/
