Spitali grek i të moshuarve në Stamboll është përfshirë nga flakët dhe për pasojë është evakuuar. Tashmë, 104 pacientë dhe të moshuar janë evakuuar në mënyrë të sigurt.
Zjarri i nisur nga çatia është përhapur në katet e një pallati shumëkatësh. Megjithatë, pak pas orës 14:00, CNN Turk raportoi, duke cituar zjarrfikësit, se ishte nën kontroll pa viktima. Sipas pamjeve të transmetuara në televizion, zjarri ka nisur në çatinë e spitalit dhe është përhapur me shpejtësi në veshjen e jashtme të ndërtesës.
Siç raportojnë mediat turke, sapo është vënë re zjarri, është tentuar që të evakuohen pacientët duke u mbajtur në krahë për t’u larguar nga flakët qoftë me karroca apo në krahët e zjarrfikësve. Pacientët u dërguan në spitalet e afërta.
🔴İstanbul'da Balıklı Rum Hastanesi'nde yangın
İstanbul Zeytinburnu'ndaki Balıklı Rum Hastanesi'nde çıkan yangına itfaiye ekipleri müdahale ediyor.
Süleyman Soylu
Brent
Fox Tv pic.twitter.com/eNkVhSbptj— CRAYZY (@Htc_111_) August 4, 2022
Guvernatori i Stambollit, Ali Gerlikaya, ishte në spital. “Nuk ka të lënduar apo humbje jete. Nuk e dimë shkakun e zjarrit”, tha ai, duke shtuar se është në pritje të zjarrfikësve për të mësuar se si ka nisur.
Historia e spitalit
Spitali grek të moshuarve, i cili i shërben diasporës së Kostandinopojës, u themelua në vitin 1753.
Por ai daton që nga koha menjëherë pas rënies së qytetit nën osmanë në 1454. Ndodhej në lagjen Karaköy dhe sipas të dhënave, u zhvendos jashtë mureve të qytetit në vendndodhjen e tij aktuale për shkak të epidemisë së murtajës në shekullin e 18-të. /tesheshi.com/
