Autoritetet në provincën Sindh të Pakistanit kanë miratuar një ligj që kërcënon prindërit me deri në një muaj burg nëse refuzojnë të vaksinojnë fëmijët e tyre kundër poliomielitit ose tetë sëmundjeve të tjera të zakonshme.
Ekspertët nga Organizata Botërore e Shëndetësisë kanë frikë se masat e reja vetëm sa do të dëmtojnë më tej besimin në vaksinat e poliomielitit, veçanërisht në një vend ku shumë besojnë në komplote të rreme rreth tyre dhe ku dhjetëra njerëz që japin vaksinën janë vrarë.
Pakistani dhe Afganistani fqinj janë të vetmet vende ku përhapja e poliomielitit nuk është ndalur kurrë.
Masat drakoniane
Sëmundja prek kryesisht fëmijët deri në pesë vjeç.
Në janar, rreth 62,000 prindër, kryesisht në provincën Sindh të Pakistanit, refuzuan vaksinimin e poliomielitit për fëmijët e tyre, duke bërë që autoritetet atje të propozojnë një ligj të ri me dënime drakoniane.
Ligji do t’i dënojë prindërit me deri në një muaj burg për mos vaksinimin e fëmijëve të tyre kundër sëmundjeve të caktuara, dhe gjithashtu mund të gjobiten deri në 50,000 rupi (168 dollarë). /tesheshi.com/
