Deputeti i LSI-së, Përparim Spahiu, i cili prej kohësh është folur si “alteregoja” e Shkëlqim Canit si një skemë lëvizjes në qeveri, ka dhënë shenjën e radhës se këto fjalë kanë pasur baza.
Spahiu, i cili ashtu si dhe ministri aktual i Financave është deputet i Bulqizës, ka propozuar një sistem të ri taksash, pas mos arritjes nga qeveria të realizojë planin e vjeljes nga tatimet.
Në një intervistë për “Shqip”, Spahiu sulmon strukturën aktuale të tatimeve dhe mënyrë e vjeljes, si dhe hedh në treg një koncept të ri tatimor, i cili është kyçi për të deshifruar një lëvizje të re.
“Është fakt që ndryshimi i taksimit të të ardhurave personale ka sjellë më pak para në buxhet, por në të njëjtën kohë nuk ka ndihmuar në atë që pretendohej, rritje të konsumit. Personalisht them se duhet parë, diskutuar më me qetësi, tatimi progresiv. Ai e avancon idenë e tij, duke kërkuar që për biznesin të aplikohet një taksë regresive, duke theksuar se niveli aktual i taksave nuk po krijon hapësira të reja për punësimin.
“ Çfarë lajmi, supozojmë, do ishte për bizneset tatimi regresiv? Ai që deklaron më shu më fitim të tatohej më pak në përqindje. Lajm mjaft i mirë për ta, por besoj që do sillte dhe më shumë të ardhura në buxhet”, thekson Spahiu.
Përparim Spahiu është fiancier me profesion dhe ka punuar për një kohë të gjatë si drejtues në banka të ndryshme të nivelit të dytë në Tiranë, ku ka pasur rezultate që e nxorën në pah në mjedisin financiar të Tiranës.
Pikërisht propozimi i një pakete të re fiskale nga eksponenti i lartë i LSI-së i ka hapur rrugë diskutimeve mbi një rrokadë në qeveri, e kryesisht në Ministrinë e Financave. Dhe më kryesorja prej tyre është: Marrja nga ana e PS-së e Ministrisë së Drejtësisë ngaqë do të ketë koston e reformës që nis në shtator dhe dhënia e Ministrisë së Financave; Lëvizjes Socialiste për Integrim.
Nëse kryehet operacioni i lëvizjes në qeveri, atëherë është diskutuar edhe marrja e ministrisë së Mbrojtjes nga ana e Luan Ramës së LSI-së dhe ministrisë së Transporteve nga PS-ja që mund të drejtohej nga Mimi Kodheli.
Po ashtu një ndryshim në kabnet, sipas diskutimeve në qarqet e dy aleatëve në mazhorancë, do të pësonte reformim e gjithë harta e kontrollit të drejtorive dhe kompanive të mëdha publike. Kështu Drejtoria e QSUT-së do t’i kalonte LSI-së ndërsa Agjencia e Kontrollit të Burimeve Natyrore do t’i kalonte një aleati tjetër siç është PDIU-ja e Shpëtim Idrizit.
Ndërkaq, Albetrol do të shkonte drejt LSI-së kurse PS-ja do të marrë KESH-in që aktualisht kontrollohet nga partia e Metës do të merrej nga PS-ja.
/tesheshi.com/
