Presidenti rus, Vladimir Putin apeloi për ngritjen e një strukture rajonale që të koordinojë përpjekjet kundër ISIS-it. Putin, në fjalën e tij përpara liderëve në asamblenë e Përgjithshme të OKB-së, përsëriti mbështetjen për presidentin sirian, Bashar al Assad, për të cilin Perëndimi dhe opozita siriane thonë se duhet të largohet nga pushteti.
Kriza në Siri është kryesore në axhendën e liderëve botërorë të mbledhur në Nju Jork. Presidenti Putin pritet të ketë bisedime, të rralla tashmë, me homologun amerikan, Barack Obama për të diskutuar krizën.
Marrëdhëniet midis Rusisë dhe Perëndimit janë në krizë, gjithashtu, për shkak të aneksimit nga Moska të gadishullit të Krimezë nga Ukraina dhe mbështetjes për separatistët.
Bisedime për krizën në Siri do të ketë gjatë gjithë kohës së Asamblesë, ndërsa liderët europianë kanë shtuar thirrjet për një nxitje të zgjidhjes diplomatike në Siri, lidhur kjo me fluksin masiv të refugjatëve që kanë mbërritur në Europë. /tesheshi.com/
