“Mund ta mposhtim terrorizmin dhe do ta mposhtim”. Presidenti i Shteteve të Bashkuara të Amerikës, Barack Obama, gjatë një vizite në Avana, në Gran Teatro të kryeqytetit kubanez, dënon atentatet që kanë goditur këtë mëngjes Brukselin dhe kanë vrarë të paktën 34 persona e kanë plagosur mbi 100 të tjerë.
Presidenti kujton rëndësinë e të qenurit të bashkuar për të mposhtur terrorizmin: “Duhet të qëndrojmë të bashkuar”, – tha ai duke premtuar se Amerika do të bëjë gjithçka që përgjegjësit të marrin atë që meritojnë.
Shtetet e Bashkuara dënojnë “sulmet skandaloze kundër njerëzve të pafajshëm. Do të bëjmë gjithçka të mundur që përgjegjësit e këtyre sulmeve të paguajnë për atë që kanë bërë”. /tesheshi.com/
