Barack Obama, presidenti amerikan që është në fundin e mandatit të tij, do të bëjë një vizitë në Kubë gjatë muajit të ardhshëm. Vizita e tij historike do të jetë e para e një presidenti amerikan në detyrë në nëntë dekada.
Vizita e Obama-s në Kubë do të jetë në kuadër të një udhëtimi më të gjerë në Amerikën Latine, që do të bëhet i njohur ditën e sotme nga Shtëpia e Bardhë.
Presidenti i 30-të i SHBA-ve, Calvin Coolidge, do ta vizitonte kryeqytetin kubanez, Havanën, në janarin e 1928-ës, ku do të mbante një fjalim në Konferencën e 6-të Ndërkombëtare të Shteteve Amerikane. Harry Truman do të vizitonte Gjirin e Guantanamos, të kontrolluar nga SHBA-të, duke mos kryer kështu një vizitë zyrtare, e duke mos u takuar me asnjë zyrtar kubanez. Ndërkaq, ish-presidenti Jimmy Carter ka bërë një sërë vizitash në Kubë pas lënies së detyrës.
Viti i shkuar u karakterizua nga normalizimi i marrëdhënieve mes dy vendeve armike. Do ta lajmëronin rivendosjen e marrëdhënieve pas gjysmëshekulli presidentët Barack Obama e Raul Castro, të cilët patën dhe një takim mes tyre në Panama Siti. /tesheshi.com/
