Sulmet e fundit ajrore mbi Halep kanë lënë të vrarë më e pakta 20 njerëz, raporton Al Jazeera.
Së paku dhjetë prej tyre lanë jetën teksa u bombardua spitali Bejan në një pjesë të Halepit të kontrolluar nga rebelët.
Sipas Shoqatës së Mjekëve të Pavarur, e cila e drejton spitalin, nëntë të porsalindur u hoqën nga inkubatorët pas dëmtimeve të pësuara nga sulmet ajrore.
“Ka vetëm një grusht inkubatorësh në funksion në Halep,” njoftohet të ketë deklaruar drejtori i spitalit.
“Aftësia jonë për të siguruar mbrojtjen më bazë për më të dobëtit tanë po zhduket,” është shprehur ai, gjithnjë sipas Al Jazeera-s.
“Çdo udhëheqës i botës duhet të imagjinojë që sikur një nga këta të porsalindur të ishte djali apo vajza e tij. Çfarëdo që do të bënin për t’i mbrojtur fëmijët e tyre duhet ta bëjnë dhe për t’i mbrojtur tanët.”
Në një tjetër lagje të Halepit mbetën të vrarë më e pakta katër njerëz, dy prej të cilëve fëmijë, kur helikopterët e regjimit sirian hodhën bomba fuçi.
17 ndërtesa mjekësore janë goditur në Halep në dy muajt e fundit, duke lënë në punë vetëm shtatë spitale.
Pas një periudhe disi më të qetë, sulmet ajrore dhe bombardimet mbi Halep janë shtuar gjatë ditëve të fundit, duke lënë pas pandërprerë viktima. Halepi është aktualisht zona më e nxehtë e konfliktit sirian. /tesheshi.com/
