Ish-kryeministri Sali Berisha jo vetëm nuk është tërhequr pas deklaratës për armatosjen e popullsisë, por i ka kujtuar Edi Ramës se 14 shtatori i vitit 1998, kur Kryeministria u sulmua me armë, nuk do të jetë asgjë para asaj që mund të ndodhë sërish.
Në një intervistë të dhënë për ABC News, ish-lideri PD-së, ka qenë shumë i ashpër.
“I them Edi Ramës se armët nuk duhet t’i ketë kurrë frikë një qeveri e një vendi të lirë, por ta ketë të qartë se do t’i duket lule 98-ta. Gjithçka do të mund t’i ndodhë nëse ndërsen bandat e armatosura të tij. Pse e them këtë…Sulmet ndaj institucioneve janë gjithmonë të papranueshme. E them këtë se në 98-tën bëra gjithçka për ta kontrolluar, por nuk e kontrollova dot, por të jesh e sigurtë që nga 98-ta e mbrapa, kush më nuk mund t’i kontrollojë. Po them nëse përsëritet, nëse përdor bandat e veta kundër opozitës e kam fjalën. Se duhet ta ndajmë, qytetarët nuk i konsideroj opozitë, qytetarët kanë një interes, nuk kanë interesin e opozitës por kanë interesin e sigurisë së tyre, ndërsa opozita ka interesat e veta”, tha Berisha.
Deklarata e Berishës u bë pas denoncimit zyrtar të Partisë Socialiste në Prokurorinë e Përgjithshme, në lidhje me thirrjen që ish-kryeministri bëri në Parlament për armatosjen e popullsisë. /tesheshi.com/
