Edhe pse në BE, edhe pse shtet me tipare dhe frymë europiane, Kroacia s’i ka mirë punët me popullsinë.
Ky shtet ballkanik dhe jo fort ballkanik për nga zhvillimi dhe statusi historik që gëzon, ka humbur 895,736 banorë në 30 vitet e fundit
Ish-ndër republikat më të zhvilluara të ish-Jugollavisë, së bashku me Slloveninë, dy vende sllave por me tipare europiane, në 30 vitet e fundit, Kroacia ka humbur 895,736 banorë në periudhën që nga pavarësia, që është pothuajse 19 për qind e popullsisë, sipas të dhënave nga Byroja Qendrore e Statistikave (CBS).
Numri i banorëve të Kroacisë ka rënë që nga viti 1991, kur kishte 4,784,265 banorë dhe në vitin 2021, sipas të dhënave të regjistrimit të parë të publikuara sot nga CBS, ky numër ka rënë në 3,888,529 banorë.
Kjo do të thotë se në 30 vitet e pavarësisë, Kroacia ka humbur 18.7 për qind të popullsisë së saj.
Në vitin 2001 kishte 4.437.460 banorë, ndërsa në vitin 2011 4.284.889. popullsia, tregon anketa e CBS e regjistrimit.
Në dekadat para vitit 1991 popullsia u rrit, në vitin 1981 në Kroaci kishte 4.601.469 banorë, ndërsa në vitin 1971 4.426.221.
Që nga regjistrimi i vitit 1948, kur kishte 3,779,858, Kroacia nuk ka regjistruar një popullsi kaq të ulët.
Ndërkohë, kur është fjala për të shpjeguar ikjet, Rama, për ilustrim të faktit se nuk është fenomen vetëm shqiptar por dhe rajonal, sjell si shembull Kroacinë me një valë jo të lehtë ikjesh. /tesheshi.com/
