Një “ushtri” e tërë me mace jeton në një ishull të largët në jug të Japonisë. Ato enden në shtëpitë e pabanuara dhe të braktisura nga banorët, ndërsa për tu ushqyer, vjedhin peshqit që ata pak persona që kanë ngelur në ishull, nxjerrin nga thellësitë blu të oqeanit. Në ishullin Aoshima, raporti mes banorëve dhe felinëve është 1 me 6. Lehtësisht imagjinohet se bëhet fjalë për një perandori të këtyre krijesave.
Normalisht, kushdo që dëgjon për diçka të tillë, logjikisht mund të pyesë: “Pse ka kaq shumë mace dhe kaq pak njerëz?”, duke menduar që është një vend lehtësisht i përdorshëm për zhvillimin e turizmit. E vërteta qëndron në faktin se pas Luftës së Dytë Botërore, ishulli u pushtua nga minjtë dhe shumë persona u larguan. Nisën epidemitë dhe për të shpëtuar nga këto krijesa, banorët sollën shumë mace, ndërsa vetë braktisën ishullin. Me kalimin e kohës felinët shfarosën minjtë dhe u shumuan mes tyre.
Ata populluan Aoshimën, ku krahas tyre kanë ngelur vetëm të moshuarit. Ishulli i ndodhur 30 minuta larg gjirit së Prefekturës Ehime, në vitin 1945 banohej nga 900 persona. Të vetmit vizitorë që shkojnë në Aoshima janë veterinerët që kontrollojnë gjendjen shëndetësore të maceve. Turistët nuk e preferojnë si pikë qetësie dhe relaksi, pasi në zonë nuk ka asnjë restorant, shtëpi pushimi, hotel apo edhe dyqane ku të mund të blesh diçka./tesheshi.com/
