Linja ajrore me kosto të ulët Flyadeal njoftoi se bëri fluturimin e saj të parë në Arabinë Saudite me një ekuipazh të përbërë ekskluzivisht nga gra.
Sipas zëdhënësit të kompanisë, Imad Iskandarani, ishte një fluturim nga Riadi për në Jeddah. Të shtatë anëtarët e ekuipazhit ishin gra – gjashtë prej tyre gra saudite. Kombësia e të shtatës, pilotes së avionit, nuk u specifikua.
Autoriteti i Aviacionit Civil Saudit ka konfirmuar njoftimin nga Flyadeal, një degë e kompanisë shtetërore Saudia, dhe ka mirëpritur pjesëmarrjen e grave në sektorin e aviacionit.
Në vitin 2019, në Arabinë Saudite u shënua fluturimi i parë me një bashkë-pilot femër. /tesheshi.com/
