Kryeministri Edi Rama shpalli të ashtuquajturën prej tij “Paqe Fiskale”, gjatë në një bashkëbisedim me biznesin në Elbasan. Në thelb, kjo paqe do të fshijë të gjitha borxhet, kamatëvonesat te bizneset më të vjetra se dhjetë vjet.
“Të fshijmë të gjitha kamatëvonesat dhe interesat që janë ndërmjet 5-10 vjet, e vlefshme dhe për bizneset që në një këst të paguajnë gjithë detyrimin dhe në këtë rast do i falet 50% i detyrimit. Ata që s’kanë mundësi, ta paguajnë në 12 muaj dhe t’i falet 25% e detyrimit”, tha Rama.
Më herët, ministrja e Shtetit për Sipërmarrjen, Delina Brahimaj, renditi tre elementët në të cilën bazohet iniciativa.
“Paqja është një marrëdhënie e re që ne si admnistratë duam të vendosim me biznesin dhe tatim paguesit, ku biznesit do t’i jepet mundësia të rregullojë marrëdhënien me shtetin në të kaluarën dhe të ecë drejt të ardhmes me një siguri dhe parashikueshmërie. Paqja fiskale ka tre komponentë:
- Tatimi i dakordësuar mbi fitimin.
- Rishikimi i pasqyrave financiare (5 vitet e fundit).
- Falja e detyrimeve tatimore dhe kamatvonesave.
