Presidenti i Autoritetit Palestinez Mahmoud Abbas, gjatë një fjalimi para Këshillit Qendror të Autoritetit Palestinez, shqiptoi fyerje skandaloze kundër Hamasit dhe luftëtarëve palestinezë në Gaza.
Abbas e quajti Hamasin “bijtë e qenve”, duke kërkuar që ata të dorëzonin menjëherë pengjet izraelitë.
“Bijtë e qenve, dorëzoni pengjet. Lufta duhet të përfundojë. Qindra njerëz vdesin çdo ditë sepse Hamasi nuk dëshiron të dorëzojë pengjet. Bij qensh, dorëzoni pengjet dhe përfundoni çështjen,” tha Abbas.
محمود عباس على الهواء في مؤتمر المجلس المركزي الفلسطيني :
ياولاد الكلب سلموا الرهائن
وخلونا نخلص . pic.twitter.com/I8aBmUZmLJ— مالك الروقي (@alrougui) April 23, 2025
Më pas, Abbas tha se ka disa objektiva në Gaza.
Ai gjithashtu beson se Hamasi duhet t’i japë fund kontrollit të tij mbi Rripin e Gazës dhe t’i dorëzojë armët e tij Autoritetit Palestinez.
“Qëllimi i parë është kthimi i pengjeve, heqja e bllokadës izraelite të Gazës, ndalimi i shpërnguljes së popullit tonë në koordinim me vendet arabe dhe mbrojtja e çështjes palestineze”, tha ai.
Sipas tij, Hamasi duhet të kthehet në një parti politike.
“Fol me ne, në vend të amerikanëve”, shtoi ai në fjalën e tij. /tesheshi.com/
