Sëmundjet e zemrës, ato të enëve të gjakut, si dhe kanceri, janë sëmundjet kryesore që zhvillohen për shkak të mungesës së aktivitetit fizik.
Studime të reja kanë gjetur se ecja vetëm një orë në ditë mund të zhbëjë ndikimin e dëmshëm të qëndrimit tetë-orësh ulur në zyrë ose para televizionit.
Shkencëtarët kanë analizuar të dhënat nga më shumë se një milion burra dhe gra dhe kanë gjetur se ulja në kohëzgjatje tetë orë në ditë pa ndonjë aktivitet fizik ka një ndikim vdekjeprurës në jetën dhe shëndetin.
“Së paku një orë aktivitet fizik në ditë, për shembull ecje ose çiklizëm, mund të zvogëlojë rrezikun e sëmundjes dhe vdekjen e parakohshme që shoqërohet me qëndrimin ulur për një kohë të gjatë”, tha Ulf Ekelund, udhëheqës i studimit dhe profesor në Universitetin e Kembrixhit.
Edhe zgjatja e kohëpaskohshme e trupit ose të ecurit deri te aparati i kafes mund të jetë e mjaftueshme për të zvogëluar dëmet e shkaktuara nga qëndrimi ulur gjatë ditës.
“Nuk keni nevojë të ushtroni apo të shkoni në palestër, mjafton një ecje e lehtë në mëngjes ose pas drekës. Mund të bëni disa orë aktivitet fizik ditor në ditë,” shtoi Ekelund.
Ky hulumtim është pjesë e një studimi të botuar në Buletinin Mjekësor The Lancet. /tesheshi.com/
