Një ish-drejtues i lartë i Policisë së Vlorës, Festim Lelaj, me gradë nënkomisar dhe që deri dje në mbrëmje ishte me detyre në në Drejtorinë e Policisë së Fierit, ka rënë në pranga nën akuzën e drejtimit të një rrjeti trafiku droge. Bëhet fjalë për një sasi prej 2.5 tonësh droge, e llojit kanabis sativa, e cila u kap në Ankona në janar të këtij viti. Kjo sasi që kaloi nga porti i Durrësit, dyshohej se ishte e një rrjeti trafikantësh shqiptarë, siç ka rezultuar tashmë dhe nga hetimet disamujore.
Ndërkohë, tre ish-kolegë të tij po të Drejtorisë së Vlorës, vazhdojnë të gjenden në arrati pasi ndaj tyre janë lëshuar urdhërarreste nga Krimet e Rënda. Siç shkruajnë disa media, edhe i arrestuari Lelaj ka lidhje me klanin e Habilajve. Për më tepër, posti që mbante në Drejtorinë e Vlorës, ishte ai i shefit anti-drogë.
Në terma zyrtarë, mund të thuhet dhe se i arrestuari i fundit ka qenë në vartës i ish-ministrit Tahiri. /tesheshi.com/
