Javës që kaloi një adoleshente izraelite me asnjë përvojë të mëparshme në modeling mori pjesë në javën e modës në Paris, si modeloja udhëheqëse e shtëpisë së modës, Christian Dior.
Sipas një raporti të Channel 2 në Izrael, Sofia Mechetner, 14 vjeç, e prezantuar nga agjenti i saj izraelit si Claudia Schiffer, u katapultua nga apartamenti i saj modest në botën e modës nga një rastësi e pabesueshme.
Më parë, flinte në një krevat të thyer, ndante dhomën me dy motrat e vëllezërit e saj, me një mama që bënte tre punë, vajza 180 cm e gjatë, me flokë të verdha dhe sy blu mendoi se ajo mund të provonte modelingun pasi ishte pyetur disa herë nëse i kishte shkuar në mend ta provonte.
Ajo shkoi tek një agjenci modeling në Tel Aviv, e quajtur Roberto, që pa potencialin e saj dhe i dërgoi fotot agjencisë së modelingut Viva në Paris. Në fillim Viva shprehu interesim, por kur Mechetner arriti në Paris, agjencia mendoi se ajo ishte shumë e vogël.
Duke qenë se nuk i mbeti gjë tjetër për të bërë, dy izraelitët (vajza dhe agjentja e saj) u futën në një dyqan të Dior në qendër të Parisit. Agjentja nga Tel Avivi dalloi shefin e dizajnit të Dior, Raf Simos dhe i kërkoi atij një foto. Pasi pozoi me të, i prezantoi Mechetner, dhe kaq mjaftonte që pjesa tjetër të mbetej histori.
Sipas televizionit izraelit, një agjent i panjohur i Vivas mori një telefonatë nga asistenti i Dior që do ndryshonte jetën e vajzës.
“Keni një vajzë të vogël të quajtur Sofia, nga Izraeli…ajo ishte në dyqanin e Dior, dhe nuk e di se për çfarë arsye, por edhe Raf Simos ishte në të njëjtin dyqan. Ata u takuan dhe ai do që ajo të marrë pjesë në modeling.
Metchetner, e cila javës që kaloi nënshkroi një kontratë 265 mijë dollarëshe me Dior, tani është pjesë e faqes së internetit të kompanisë.
Në një intervistë për Channel 2, adoleshentja pavarësisht se e mrekulluar nga fama e menjëhershme, tha se e dinte shumë mirë se çdo të bënte me paratë: “Do të blej një shtëpi dhe më në fund mund të kem një dhomë timen”./tesheshi.com/
