Ministri i Integrimeve Evropiane, Bekim Çollaku ka takuar dje një grup të rinjsh teksa po niseshin për një udhëtim nëpër qendra të ndryshme evropiane për të promovuar të drejtën e lëvizjes për të rinjtë nga Kosova.
Në një postim në Facebook z. Çollaku ka thënë se liria e lëvizjes së njerëzve është një nga katër të drejtat dhe principeve kryesore themeluese të Bashkimit Evropian, pranë lëvizjes së mallrave, shërbimeve dhe kapitalit. Ai potencoi se të rinjtë tanë duhet të trajtohen në mënyrë të barabartë me moshatarët e tyre nga rajoni. Po ashtu tregoj për takimin me të rinjtë i cili tha me la përshtypje entuziazmi dhe përkushtimi i këtyre të rinjve nga e gjithë Kosova për t’i dërguar BE-së një mesazh të fortë për liberalizimin e vizave.
Lexoni postimin e plotë:
Dje e takova një grup të rinjsh teksa po niseshin për një udhëtim nëpër qendra të ndryshme evropiane për të promovuar të drejtën e lëvizjes për të rinjët nga Kosova. Liria e lëvizjes së njerëzve është një nja katër të drejtat dhe principeve kryesore themeluese të Bashkimit Evropian, pranë lëvizjes së mallrave, shërbimeve dhe kapitalit. Kuptohet që këto arrihen plotësisht përmes anëtarsimit, por liria e lëvizjes për qytetarët e Kosovës përmes liberalizimit të vizave duhet të ndodhë sa më shpejtë, në mënyrë që edhe të rinjët tanë të trajtohen fer dhe në mënyrë të barabartë me moshatatët e tyre nga rajoni.
Më la shumë përshtypje entuziazmi dhe përkushtimi i këtyre të rinjëve nga e gjithë Kosova për të ndërmarrur këtë rrugë të madhe për ta dërguar një mesazh të fortë në BE. Është ky lloj i përkushtimit që jo vetëm se do t’i sjellë Kosovës liberalizimin e vizave, por edhe do t’a avancoj vendin drejt integrimit në BE.
Këtë vit këta të rinjë dita e Evropës me 9 maj do t’i gjejë duke promovuar të drejtën e tyre për të udhëtuar në Evropë. Shpresoj shumë që vitin e arshëm për këtë festë shumë më shumë të rinjë nga Kosova të do të mund të udhëtojnë në qendra të ndryshme evropiane, për t’i dhënë kuptim të plotë kësaj feste.
