Presidenti i Republikës, Bujar Nishani ka kundërshtuar homologun e tij turk Recep Tayyp Erdogan, në lidhje me lëvizje gyleniste, që ai kërkoi të largohej nga Shqipëria.
Në një intervistë për Tonight Ilva Tare tha se në Shqipëri nuk ka një organizatë terroriste, duke iu referuar deklaratës së Erdogan për të luftuar organizatën Gylen që ai e quajti terroriste.
Presidenti foli edhe për situatën në Maqedoni. Ai tha se konflikti ndëretnik është shkatërrimtar për Maqedoninë. Nishani tha se ngjarjet në Kumanovë nuk janë transparente dhe për ketë duhet edhe një hetim i detajuar, madje edhe një hetim ndërkombëtar.
Ilva Tare: Pse e ftuat Erdoganin në Tiranë?
Bujar Nishani: E kam ftuar si një kryetar shteti të një vendi mik shumë të afërt. Vizita e tij ka qenë e mirëpritur, e shumëpritur dhe e organizuar me të gjitha nderimet.
Ilva Tare: Ka rënë në sy që ju nuk e keni përmendur fjalën vlla, por fjalën mik, madje as partner strategjik. Eshtë e qëllimshme?
Bujar Nishani: Unë besoj se dekarata që kam mbajtur është një deklaratë që shpreh qëndrimin politik të shtetit shqiptar pikëpamjet e mia, konsiderimi si një vend mik është e drejtë. Është një miqësi e konsoliduar, që lidhet edhe me interesa në rrafshe të ndryshme strategjike. Kështu që unë besoj se nëse i refrohemi deklaratës zyrtare, aty gjenden të gjitha ndjesitë e miqësisë, partnertitetin, por edhe deklarata e Erdogan ku flitej edhe për marrëdhënien e Shqipërisë me Turqinë në të ardhmen.
Ilva Tare: Erdogan tha se Shqipëria duhet të luftojë organizatën e Gylen, madje e quajti terroriste, kush është qendrimi juaj?
Bujar Nishani: Në Shqipëri nuk ka një organizatë të tillë terroriste. Ndërsa për sa i takon çështjeve të fondacionit Gylen, që ka bërë investime në shkolla, unë nuk mund të flas ne emër të qeverisë. Kjo çështë nuk është trajtuar në takimet zyrtarë. Është përmendur në mënyrë informalë dhe kemi shprehur pikëpmajet tona.
Ilva Tare: Kush janë ato?
Bujar Nishani: Shkollat e financuara nga Gylen, jo vëtëm që janë të licensuara, që plotësojnë kushtet, por edhe eksperienca e këtyre shkollavë nuk ka treguar rrezik.
Ilva Tare: Si e priti Erdogan?
Bujar Nishani: Kjo ka qenë në mënyrë informale dhe secili i ka qëndruar pikpamjeve të tij.
Ilva Tare: Si e gjykoni mënyrën se si ka reaguar qeveria?
Bujar Nishani: Qeveria shqiptare ka konfirmuar qëndrimin e deritanishëm. Unë nuk e di kush ka qenë biseda me kryeministrin e Shqipërisë. Nuk marr përsipër të përfaqësoj qeverinë shqiptarë, por besoj se qeveria shqiptare është korrekte për të plotësuar standardet jo vetëm të këtyre shkollave, por edhe të shkollave të tjera.
Ilva Tare: Erdogan ka thënë për mediat lokale se ka biseduar për Gylen me ju dhe Ramën dhe kishte shpresë se kërkesa e tij do realizohej.
Bujar Nishani: Po flas hapur, në bisedën që bëmë jo në takimin zyrtar, folëm në mënyrë informale dhe mbajtëm qëndrimet tona.
Ilva Tare: A mund të ishte parandaluar që Erdogan të shprehur kështu?
Bujar Nishani: Nuk ndalojmë askënd që vjen në Shqipëri të shprehet.
Hetim ndërkombëtar për Kumanovën
Konflikti ndëretnik do të ishte shkatërrimtar për Maqedoninë. Shqipëria e ka njohur e para Maqdoninë, ka mbështetur integrimin e Maqedonisë, duke pasur parasysh ekzistencën e faktorit shqiptar si një faktor shtetformues. Shqipëria ka një politikë të jashmte te konsoliduar dhe kanë përkrahur angazhimet e saj në proceset euroatlantike.
Rasti i Kumanovës ku u tentua që problemet e lindura të identifikohen si një përplasje ndëretnike duke vendosur një dallim mes maqedonasve dhe shqiptarëve, pra një tentative për ta profilizuar ishte i gabuar dhe ky ka qenë shqetësimi im, por edhe i ndërkombëtarëve. Çështjet e bashkëjetësës ndëretnike duhet të mbeten si një aset që duhet të ruhen. Kurse konfliktet e fundit nuk mund të shërbejnë për të kamufluar. Ngjarja e Kumanovës është e paqartë, ka një mungesë transparence dhe informacioni, kush janë personat që janë përfshirë në këtë konflikt. Ne nuk kemi informacione mbi pasojat që pati popullata civile. Kjo duhet të hetohet me hollësi dhe të bëjë publike cdo detaj të asaj ngjarje. Ne hetim të përfshihen edhe aktorë ndërkombëtare. Autoritetet maqedonase kanë për detyrë të bëjën transparent situatën e personave që janë ndaluar, a ka civilë, sip o trajtohen. Ai që ka kryer krime duhet të jetë përgjegjës.
Vizita e Vuçiç në Tiranë, Nishani: Është i mirëpritur
“Kemi pasur një histori tragjike me Serbinë. Kosova ka qenë e pushtuar prej shumë vitesh, megjithatë ne jemi të prirur duke parë tek e ardhmja, por duke mos haruar të shkuarën, pasi kjo na motivon. E ardhmja e përbashkët është në këtë rajon që jetojmë. Unë nuk kam informacione në lidhje për vizitën e Vuçiç, por nësë vjen ne do ta mirëpresim. Me Sërbinë kem mjaft cështje për të dikutruart. Pavarësia e Kosovës është një ralitet i pakthyeshëm, pavarësia e Kosovës ka rritur garancinë në rajon”.
Qytetarët mos votojnë personat e përfshirë në korrupsione apo krime
“Unë uroj dhe shpresoj që të ketë një klimë pozitive, korrekte ku të konkurohet me alternative, me platformë, të konkurohet me propozime reale dhe jo populiste. Të respektohet dinjiteti i votes. Në mënyrë katogorike të përbuzet tentative për të blerë votën. nëse do të ketë tentative të tilla, unë nuk kam të identifikuar, por nëse do të ketë duhen refuzuar, sepse dinjteti i qytetarit, i procesit vendimarrës nuk ka cmim. Unë do të kërkoja institucionet që të përmbushin standardët. Këto janë një provë e rëndësishme për demokracinë. Unë do të vazhdoj ti bëj thirrje qytetarëve që të jenë të kujdesshëm me vendimin që do të marrin, në mënyrë që të votojnë njerëzit më të aftë, që nuk janë të përfshirë në asnjë veprimtari korruptive apo kriminale. Unë nuk kam rast konkret për emra me rekorde kriminale, por unë i besoj qytetarëve. Tek unë nuk ka ardhur asnjë emër konkret nga ndërkombëtarët. Si fenomen e kanë përmendur, por emra konkret nuk ka. Angazhimi i ndërkombëtarëve është i rëdësishëm për kultivimin e një poltike tjetër.Nuk do ta kisha besuar që në këtë stad të trajtonim një cështje të tillë që është e papranueshme. Njerëzit e përfshirë në krim nuk sjellin asnjë përfitim tek partitë. Mund të sjellin përfitim përmes parasë, presionit, por ata janë një barrë për këdo që zgjidhet, një barrë që nuk e mbajnë dot, që do ti këpusin gjunjët, pro edhe ne na krijon kosto”.
