Kryeministri izraelit, Benyamin Netanyahu ka thënë sot se nuk do “një zgjidhje vetëm për një shtet”, në lidhje me konfliktin Palestinë-Izrael. “Unë dua një zgjidhje paqësore për të dy shtete, por për këtë, rrethanat duhet të ndryshojnë”,- ka thënë Netanyahu në një intervistë për Msnbc.
“Unë nuk kam ndryshuar politikën. Ajo që ka ndryshuar është realiteti. Abu Mazen., lideri palestinez refuzon të njohë shtetin hebraik dhe ka bërë aleancë me Hamasin, i cili kërkon shkatërrimin e shtetit hebraik”,- është shprehur Benyamin Netanyahu.
Ai ka bërë me dije se kërkon që këto ndryshime të realizohen në mënyrë që të arrihet paqja.
Sa u takon raporteve me Shtëpinë e Bardhë, Netanyahu ka konfirmuar se ka menduar që sëshpejti të flasë me Presidentin Obama, ndërsa ka shtuar se “Amerika nuk ka aleat më të mirë se Izraeli dhe se Izraeli nuk ka aleat më të mirë se Amerika”./tesheshi.com/
