Për herë të parë në historinë e tij, motori i kërkimit Google është përdorur më shumë në pajisjet mobile se sa nga kompjuterët personalë. Këto të dhëna historike janë shënuar në Shtetet e Bashkuara të Amerikës dhe në pjesë të tjera të globit, përfshirë edhe Japoninë. Kompania Silicon Valley ka arritur një pikë të zhvillimit të teknologjisë saqë ka mundur të maksimizojë përdorimin e saj në smartfonë. Lajmërimi është bërë gjatë prezantimit të një fushate të re marketingu.
Të dhënat e fundit të Google tregojnë ndryshimin e sjelljes së përdoruesve të internetit në tërësi dhe të motorit të kërkimit në veçanti, nga 2007, viti i lançimit të iPhone nga Apple, çka solli ndryshim tërësor në tregun e telefonisë dhe përdorimit të pajisjeve mobile.
Ky ndryshim historik në përdorimin e Google nga smartfonët është në interes të Shteteve të Bashkuara të Amerikës dhe shteteve të tjera të botës. Vetëm në Japoni realizohen mbi 100 miliardë kërkesa çdo muaj, duke përfshirë edhe query që vijnë nga PC-të./tesheshi.com/
