Ndërsa ndonjë vend arab, sicc Emiratet, lejojnë jo thjesht shtetas izraelitë por dhe ish-ushtarë në Gaza që të bëjnë pushime në Dubai, në një tjetër vend me status edhe turistik, por pa peshë në zhvillime botërore, nuk do lejohen të hyjnë shtetas izraelitë në emër të saj se ccfarë shteti i tyre po shkakton në Gaza, një Holokaust nr. 2.
Presidenti i Maldiveve Mohammed Muizzu ratifikoi të martën një vendim për të ndaluar hyrjen në vend të mbajtësve të pasaportave izraelite, tha zyra e tij.
“Vendimi përfaqëson një qëndrim të vendosur kundër gjenocidit të Izraelit dhe shtypjes së popullit palestinez”, tha në një deklaratë Zyra e Presidentit të Maldiveve.
Maldivet kanë njoftuar se po ndalojnë hyrjen e qytetarëve izraelitë në shenjë “solidariteti vendimtar” me popullin palestinez.
Muizzu ratifikoi vendimin pak pasi u miratua nga parlamenti.
Në deklaratë thuhet se “ratifikimi pasqyron qëndrimin e vendosur të Maldiveve në përgjigje të krimeve të vazhdueshme dhe gjenocidit të kryer nga Izraeli kundër popullit palestinez”, raporton Anadolu Agency.
Ndalimi do të hyjë në fuqi menjëherë.
Ministria e Jashtme izraelite vitin e kaluar u bëri thirrje qytetarëve që të shmangin udhëtimet në Maldive.
Të paktën 51,000 palestinezë, kryesisht gra dhe fëmijë, janë vrarë në Gaza në sulmet brutale izraelite që nga tetori i vitit 2023.
Gjykata Ndërkombëtare Penale lëshoi urdhër-arreste në nëntor të vitit të kaluar për kryeministrin izraelit Benjamin Netanyahu dhe ish-ministrin e mbrojtjes Yoav Gallant për krime lufte dhe krime kundër njerëzimit në Gaza.
Izraeli gjithashtu përballet me një çështje gjenocidi në Gjykatën Ndërkombëtare të Drejtësisë për luftën në enklavë. /tesheshi.com/
